ЖОҢҒАР АЛАТАУЫ МЕМЛЕКЕТТІК ҰЛТТЫҚ ТАБИҒИ ПАРКІ

ЖОНГАР-АЛАТАУСКИЙ ГОСУДАРСТВЕННЫЙ НАЦИОНАЛЬНЫЙ ПРИРОДНЫЙ ПАРК Zhongar-Alatau State National Natural Park

ПАРКТЕР ШЕРУІ -2021
МАРШ ПАРКОВ - 2021

СИВЕРС АЛМА АҒАШЫНЫҢ ГҮЛДЕНУ ФЕСТИВАЛІ - 2021

Фестиваль цветения яблони сиверса -2021

Фестиваль: «Сиверс алмасының гүлдеуі» 2021 жылдың 13 мамыр күні «Жоңғар – Алатауы МҰТП» РММ «Сиверс алмасының гүлдеуі» атты фестиваль өтті. «Сиверс алма ағашының гүлденуі» атты мерекелік салтанат «Жоңғар Алатауы МҰТП» РММ мекеменің ұйымдастыруымен, Тополевка орманшылығының «Осиновая» тау – беткейлеріндегі жемісті орман алқабының жерінде салтанатты жиыннан бастау алып, ары қарай парктің жабайы жемісті орман алқабындағы қарап көру алаңқайларына барып, Сиверс алмасының шоғырланған орындарымен таныстырылды. Іс - шараға қатысып отырған парк қызметкерлерін парктің бас директоры Марат Нұрғазыұлы Қабиев Жоңғар Алатауы мемлекеттік ұлттық паркінің биоалуантүрлілікті, соның ішінде ғаламдық маңызы бар жабайы жеміс ағаштарының генофонды және айрықша экологиялық, генетикалық, тарихи және эстетикалық құндылықтың қазынасы болатын табиғи тау ландшафтарын сақтауды басты назарға салып, жабайы алманың негізгі гендік қоры «Жоңғар - Алатауы» ұлттық паркінің аумағында екендігін, ел игілігі үшін паркіміз жабайы алманы сақтап қана қоймай, оны молайтып, қалпына келтіріп жатқанын, осыған байланысты мемлекеттік қорғауға алынғандығын айтты. Сонымен қатар айтулы мереке Сиверс алма ағашы гүлденуімен құттықтап, жасыл орман алқаптарының қатары өсе берсін деп жалынды лебізін білдіріп, ақжарма ақ тілектерін арнады. Ары қарай фестиваль мерекесіне арналған мәдени көпшілік шаралар спорттық ойындарға жалғасты. Атап айтқанда, эстафеталық ойындар, гир тасын көтеру, арқан тарту және волейболдан жарыстар болды. Бұл жарыстарда парк қызметкерлері спорттық өнерлерін көрсетіп, тамаша ойындарымен тәнті етті. Іс – шара уақытында еліміздегі жүріп жатқан індетке байланысты қауіпсіздік шаралары да қатаң түрде сақталынды. «Сиверс алмасының» ғылыми іздестіру жолындағы шығу тарихына көз жүгіртсек, Жоңғар Алатауы мемлекеттік ұлттық саябағының аумағы жабайы жеміс-жидек өсімдік түрлеріне өте бай аймақ. Мұндағы жабайы Сиверс алмасы өте бағалы әлемдік мәні зор бірден-бір генетикалық қор болып саналады. Табиғи саябақ аумағындағы жабайы Сиверс алмасы саябақтың жалпы жер көлемінің 3800 га аумағын қамтиды. 1793 жылы орыс ботанигі Иоганн Сиверс Үржар өзенінің аңғарларындағы орман ішінде өскен жабайы алмаға бірінші болып сипаттама жазған. 1929 жылы орыстың ұлы ғалымы Н.И.Вавилов Орталық Азияға экспедицияға шығу барысында Қазақстанның оңтүстік шығысын жабайы алма мен өріктің орталығы деген болжам айтты. Кейін бұл болжам академик Аймақ Жанғалиевтің, сондай-ақ оның көптеген шетелдік әріптестерінің көп жылдық еңбегінің нәтижесімен Қазақстан «Сиверс жабайы алмасы» біздің ғаламшардағы алма өсімдігінің атасы екенін дәлелдеп растады. Табиғатымыз мол байлыққа ие. Жеріміз қызғалдақ және Сиверс алмасымен танымал. «Сиверс алмасының гүлдеуі» фестивальдің негізгі мақсаты Елбасы Нұрсұлтан Назарбаев «Ұлы даланың жеті қыры» атты мақаласында асқақ Алатаудың баурайы алманың «тарихи отаны» екенін атап өткен болатын. Іс жүзінде бақ шаруашылығымен айналысатын мамандарға озық технологияларды игеруге, қолданысқа енгізуге жағдай жасау және өзекті мәселелерді шешу жолдарын бағыттауға, ғылыми танымдылық жұмыстарын арттыруға, және де туризм саласын жандандыруға негізделінген. Сондықтан, қазақ жерін Отаным деп таныған әр азаматтың ел дамуына өз мүмкіндігінше үлес қосуы-міндет. Осы орайда, бүгінгі өткізіп отырған іс-шарамыз маңызды деп санаймын және жабайы алма Сиверс алмасы табиғи популяциясының жағдайын бақылауды және барлық жерде қорғалуды қажет етеді. Осылай әлем мойындап отырған ғажайып өсімдігімізді өзгелерге насихаттап, Қазақстанның бренді ретінде мақтаныш етуге біздің толық қақымыз бар. Оны тек мақтаныш етіп қана қоймай, көбейтіп өсіруді, қорғауды қолға алып, сондай – ақ паркте Сиверс алма ағашын гүлдеуін тамашалауға арналған арнайы ғылыми – танымдылық туристік бағыттар ұйымдастырылғанын да айта кеткен жөн.

парктер шеруі -2020
Марш парков - 2020